Vekemeny 45

Søndag 6. november, og det er berre to vekemenyar igjen før vi er i gong med adventstida. Vi har starta nedtellinga mot jul i heimen, og i skrivande stund er det 48 dagar igjen til jul! Det er to gutar i heimen som gler seg like mykje som born skal gle seg, og mor i huset har så smått byrja å gle seg til all den gode maten.

Vi smakte årets første juleribbe denne veka, ein av bonusane ved å vere matbloggar er at ein må ligge litt i forkant for å få sendt inn bileter og oppskrifter før juletida set inn. Den var nydeleg god, og vi knaska sprø svor og var enige om at minst ei smaksprøve må til før julehøgtida set inn.

Denne helga har eg vore i Oslo igjen (siste gong i år -eg lovar!) og hatt tid til å møte andre matbloggarar. Det har vore veldig kjekt, og det var stas å få vere med å sjå prisutdelinga i Mathallen der Trine stakk av med sigeren som Årets Matbloggar – i år som i 2014. Gratulerer!!!

Årets vinnarar i tillegg til Årets Matblogg er:

Årets nykommer: Aicha Bouhlou – www.aichasmat.no

Årets drikkeblogg: Jørn G. Broll – www.matogvinnett.no

Årets innovatør: Anders Husa – www.andershusa.com

Årets nisjeblogg: Vidar Bergum – www.etkjokken.com

Årets fotoblogg: Siv Gøril Olsen – www.sivbakerogsteiker.no

Årets bake- og dessertblogg: Kristine Ilstad – www.detsøteliv.no

Gratulerer til alle!!

Vekemeny 45

Tilbake til vekemenyen vil du denne gongen finne mange gode smakar, på både rettar som krev litt lenger tid i omnen før dei er klare (men då kan du gjere andre ting) til helga og kjappe kvardagsrettar som er klare på få minutt.

Lagar du noko godt frå bloggen vil eg gjerne sjå på Instagram eller Snapchat:)

Ha ei fin-fin veke!