Vekemeny 8

Vekemeny 8 betyr at vinterferien har kome til Sunnmøre. Kanskje er det vinterferie i din heim òg? Det betyr ofte betre tid til frukost, tid til å prøve noko nytt til middag og tid til å bake.

Gjærbakst står aller høgast i kurs hjå mine born, og det første dei spør etter når vi skal lage noko i lag på kjøkkenet. Det er faktisk ikkje meir enn nokre få dagar sidan min eldste spurde meg om ikkje vi skulle bake noko i lag snart, og då smeltar jo matbloggar-hjartet veit du. Så her i heimen blir det baking den komande veka, sjølv om vi vaksne ikkje kan skryte av vinterferie.

I tillegg blir det nok ein middag med skrei, no når denne er på sitt aller beste. Den finn du i alle matbutikkar no, og då gjeld det jo å nytte høvet å få i seg meir fisk. I vekemenyen finn du eit forslag på middag med torsk, eller så kan du bruke søkjefeltet og søkje etter spesifikk skrei-oppskrift her på bloggen. Men alle rettar merka med torsk er altså skrei-brukandes.

Då står det berre at å ønskje deg ei fin veke, og så snakkast vi på Instagram, Facebook eller Snapchat:)

PS. Fekk du forresten med deg YouTube-filmen eg publiserte denne veka? Viss ikkje kan du klikke inn her og sjå den. Og så må du gjerne trykke abonner, slik at du får med deg neste gong det kjem ein film frå denne kanten!

Mandag

asiatisk risnuddel

Asiatiske risnudlar med grønsaker

Asiatiske risnudlar med grønsaker er “comfort food” som du slurpar i deg med gaffelen i eine handa og tallerkenen i andre. Deilige asiatiske smakar blanda med risnudlar og friske grønsaker…. Fortsett å les »

Tysdag

torsk søtpotet egg

Steikt torsk med søtpotetstappe og eggesmør

Steikt torsk er ein av mine favorittar å lage når vi kjem heim frå jobb, skule og barnehage. Det går raskt, er sunt og smakar så godt, om du lagar… Fortsett å les »

Onsdag

blomkålsuppe med sprøsteikt spekeskinke

Blomkålsuppe med sprøsteikt spekeskinke

Blomkålsuppe med sprøsteikt spekeskinke er ein nydeleg klassikar av ei suppe. Suppa har mild og rund smak av blomkål og salt og sprø topping. At suppa er klar på under… Fortsett å les »

Torsdag

fiskegrateng med erter

Fiskegrateng med erter

Fiskegrateng med erter har deilig muskatsmak frå kvit saus, er fluffy av stivpiska eggekviter og fylt med grøne, gode erter.

Fredag

tortilla med laks, avokado og spicy dressing

Tortilla med laks, avokado og spicy dressing

Tortilla med laks, avokado og spicy dressing er laga på under tretti minutt og er difor perfekt til rask middag ein heilt vanleg kvardag -men faktisk god nok til å… Fortsett å les »

Laurdag

pizzasnurrar

Pizzasnurr

Pizzasnurr er fine porsjonspizza og enkle å ete for små hender. Desse laga eg som vegetarversjon, men om du vil ha kjøttfyll i er det berre å fylle i din… Fortsett å les »

Søndag

lammestek

Lammesteik i surmelk

Denne lammesteika hadde vi til middag sist helg, med stor suksess. Eg tok meg ein tur på biblioteket og blada i mange fine og rare kokebøker og kom over lammesteik… Fortsett å les »

Noko godt

rocky road konfekt

Rocky road fudge med marsipan og pistasjenøtter

Rocky Road Fudge har blitt ein stor suksess her i heimen, og vi eksperimenterar med nye versjonar jamt. Denne gongen er det pistasjenøtter og marsipan som har fått vere med,… Fortsett å les »

Vekas brødmat

kvardagsmat oppskrift grove rundstykker

Grove rundstykker

Grove rundstykker er alltid populært å få servert til frukost eller å få ha med i matpakken. Ekstra godt er det å kunne dekkje kjøkkenbordet med godt pålegg og servere… Fortsett å les »

Vekas kake

key lime pie

Key Lime Pie

Key Lime Pie er ein kjend pai eller kake som stammar frå Key West sør for Florida. Kaka har lime, søt kondensert mjølk og egg som fyll -ein kombinasjon som… Fortsett å les »

Vekas gjærbakst

fastelavnsbolle

Fastelavnsbolle med syltetøy og krem

Fastelavnsbolle med syltetøy og krem Det nærmar seg den søndagen i året igjen! Den med krem og bollar og syltetøy –all over the place. Fastelavnsbollar er absolutt finast å sjå… Fortsett å les »

Skrive av Anita

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Likar du det du ser på bloggen her? Bestill mi første kokebok her!