![vegetarisk langpanne med avokado-hummus](https://kvardagsmat.no/wp-content/uploads/2019/01/20190113-_DSC6500-1000x620.jpg)
Vegetarisk langpanne med avokado-hummus
Mat som lagar seg sjølv i omnen er alltid lett å like, og her får du ei digg langpanne som du kan sette rett på bordet. Det heile er herleg tidseffektivt, du klargjer og legg i omnen etterkvart som du skreller og deler opp, så steiker det seg ferdig samtidig.
![vegetarisk langpanne med avokado-hummus](https://kvardagsmat.no/wp-content/uploads/2019/01/20190113-_DSC6505-768x1024.jpg)
Vegetarisk langpanne med avokado-hummus
I denne versjonen har eg bruke søtpotet og rosenkål som base, men om du ikkje har det i hus så ikkje la deg stoppe. Du kan lett bytte til noko du har liggande i staden, alt av rotgrønsaker funkar.
![vegetarisk langpanne med avokado-hummus](https://kvardagsmat.no/wp-content/uploads/2019/01/20190113-_DSC6511-768x1024.jpg)
Når grønsakene har blitt godt steikte tek du ut plata og toppar med godsaker som ikkje treng steiking, og serverer med ein digg dipp. Her er det avokado-hummusen som har fått vere med. Yum! Håper det fell i smak:)
Oppskrift på Vegetarisk langpanne med avokado-hummus
Langpanne
- 1 stor søtpotet
- 3-4 ss olje
- 1 ss (flak)salt
- 300-400 g rosenkål
- 3-4 ss cashewnøtter
- 1 ts cumin
- 1 ts paprikapulver
- 1/2 ts chiliflak
- 2 vårløk
- 1/2 granateple
- 2 ss svarte sesamfrø
- 1/2 lime
Avokado-hummus
Pitabrød
Set omnen på 225 grader over- og undervarme og finn fram ei langpanne med bakepapir.
Skrell søtpoteta og del den i terningar. Fordel ut over langpanna, ringle 2 ss olje over og strø saltet over. Steik i 15 minutt.
Del rosenkålen i to og fjern samtidig eventuelle stygge blad. Skyl godt og la renne godt av seg. Fordel over i langpanna saman med søtpotetbitane og ringle over resten av oljen. Steik vidare i 15 minutt.
Krydre langpanna med cumin, paprikapulver og chiliflak. Strø cashewnøttene over og steik vidare i 15 minutt til.
Ta langpanna ut av omnen og topp med vårløk, granateplekjerner, (svarte) sesamfrø og lime i mindre båtar.
Set langpanna rett på bordet og server med avokado-hummus og pitabrød.
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.