Potetpizza

Potetpizza er det neste bidraget mitt i #oppskriftsutfordringen som går mellom oss matbloggarar. Denne gongen er det Ina bak Mat på bordet som har fått bestemme tema og ho har valt potet! Sist måned var det beter, og da laga eg jammen meg pizza då også!

Potetpizza har stått på lista å skulle lage lenge, og no var det på tide å få stryke denne av lista. Potetpizza er pizza utan den tradisjonelle raude tomatsausen, men med olivenolje, tynne potetskiver og salt på. Og så gjerne rosmarin på toppen då! Du kan lage pizzaen både med og utan ost på, alt etter dine preferansar.

Tynne potetskiver steikt på høg varme blir jo ei form for ovnsbakte poteter, og det smakar jo heilt fantastisk! Med ein sprø pizzabotn under blir dette rekna som pizzaen ein skal ete på dagtid, og den funkar veldig bra.

Denne gongen testa vi glutenfri pizzabotn som berre skal rørast samman og kjevlast ut mellom to bakepapir. Den funka bra, og er gull å kunne kjøpe med seg om ein ikkje har utval av glutenfritt mjøl i heimen. Tommel opp for enkle løysingar slik at alle kan ete;)

Men om du ikkje treng å ta slik omsyn kan du nytte denne oppskrifta, som er nydleg på smak og enkel å jobbe med.#OPPSKRIFTSUTFORDRINGEN -sjekk kva desse matbloggarane har laga: (Klikk på bileta for å kome til oppskrifta).

Cecilie Louise Berg bak bloggen Bord for to har laga Potetgalette

Analiza bak bloggen analizagonzales.com har laga svenske potetpannekaker

Aicha bak bloggen Aichas Mat har laga middelhavs-inspirert potetstappe

Vidar bak bloggen et kjøkken i Istanbul har laga Rosebørek med potefyll

YUM! Blei du frista til å lage noko godt av potet du også? Sjekk ut #oppskriftsutfordringen på Instagram for alle rettane, her er det mykje godt!