Pizza med chorizo og mozzarella

Botn:

• 2,5 dl lunka vatn
• 5-6 dl kveitemjøl
• 2 ss olivenolje
• 1 ts salt
• ½ pk tørrgjær

Pizzasaus med paprika og løk:

• 1 ss olivenolje
• 1 løk
• 1 paprika
• ½-1 raud chili
• 2-3 fedd kvitløk
• 2 boksar hakka tomat
• 2-3 ss tomatpuré
• 1 ts basilikum
• 1 ts oregano
• 1 ts salt
• ½ ts peppar

(eller du kan bruke denne standard pizzasausen)

Topping:

• 8-10 chorizopølser i tynne skiver
• Mozzarellaost

Slik gjer du:

1. Rør saman alle ingrediensane, anten for hand eller ved hjelp av kjøkkenmaskin. Dekk med lokk/plast og la heve så lenge du har tid. (Sjå tips under).
2. Set eit steikebrett (eller pizzastein om du har) i steikeomnen og skru på 230 grader.
3. Ha litt mjøl på eit bakepapir og bruk mjøl på henda slik at du kan trykke deiga utover.
4. Stryk uttover pizzasausen, ha på chorizopølse og avslutt med mozzarellaost.
5. Dra bakepapiret over på steikebrettet/pizzasteinen og steik i 10-15 min.
6. Server med babyspinat, friske urter og ein rømmeklatt.

Pizzasaus:

1. Del alle grønsakene i bitar.
2. Fres kvitløk, løk, paprika og chili i olivenolje til løken har blitt blank.
3. Ha over hakka tomat og tomatpuré, kok opp.
4. Krydre og la småkoke så lenge du har tid. Dess lenger dess betre smak.
5. Kjør sausen heilt glatt med ein stavmiksar og ha over i små beger klar for frysaren.

Tips:

• Nokre gongar hevar deiga i ti minutt hjå oss, andre gongar i tre timar. Det blir stort sett god pizza uansett!
• Set alltid pizzasteinen inn i kald omn og la den varme seg opp samtidig med omnen.
• Brukar du pizzastein kan du nappe ut bakepapiret etter nokre minutt med steiking, slik at du får ein enda meir sprø botn.
• Likar du best å kjevle deiga uttover, gjer du sjølvsagt det i staden for å bruke henda.