Kanelsnurr med eplemos
Kanelsnurr med eplemos gir ekstra saftige og søte bollar, og er definitivt luksusversjonen av dei tradisjonelle kanelsnurrane. Søt eplemos blanda med kanel smakar nydeleg!
Kanelsnurrane lagar du som normalt, men i staden for smør og sukker smører du eplemos uttover deiga før du strør med kanel. Anten leitar du fram eplemos frå frysaren, eller så kokar du raskt eplemos av nokre epler medan deiga hevar seg. Vel verdt det lille ekstra arbeidet!
Kanelsnurr med eplemos
Rekk du ikkje ete alle kanelsnurrane samme dag held dei seg best om du legg dei i frysaren i tette plastposar. Ta dei opp og la dei tine på benken før du varmar dei 3-5 min på 150 grader varmluft. Då smakar dei som nysteikte igjen:)
Oppskrift på Kanelsnurr med eplemos
Kanelsnurr
- 1 kg kveitemjøl
- 150 g sukker
- 1 pk tørrgjær
- 1 ts salt
- 1 ts kardemomme
- 5 dl H-mjølk
- 1 egg
- 150 g smør i terningar
Eplemos
- 250 g epler
- 0,5 dl vatn
- ca 75 g sukker
Fyll
- 3-4 ts kanel
- Perlesukker til pynt
Ha alle ingrediensane, unnateke smøret og 50 g av kveitemjølet, i ei kjøkkenmaskin. Elt på sakte-middels fart i ca 10 min til du har ei deig som slepp bakebollen.
Ha i smøret, delt i terningar, og elt vidare i ca 10 min.
Dekk bakebollen og la heve så lenge du har tid, gjerne to timar.
Kjevle deiga til eit stort rektangel, bruk resten av mjølet på bakebordet slik at deiga ikkje sit fast.
Smør uttover eplemos og strø med kanel.
Rull saman som ei rullekake og del opp i ca 1 cm tjukke skiver.
Legg snurrane på bakepapirkledd steikebrett og la etterheve under eit klede i 20-30 min.
Skru omnen på 200 grader over- og undervarme og strø perlesukker på toppen av snurrane før du set dei midt i omnen. Eit brett i gongen.
Steik i 15-20 min, til snurrane er gylne.
Avkjøl på rist og nyt.
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.
