Reklame

Kikertsuppe

Mild og god suppe med knæsj farge, takka vere gurkemeie. Eg likar det krydderet berre betre og betre. Knall farge og gode eigenskapar for kroppen samla i eit gult pulver. Med ei boks kikerter og grønsaker frå kjøleskapskuffen er denne suppa lett å lage.

kikertsuppe

Kikertsuppe

Eg likar jo best å bruke kraft i suppene, men av og til er det tomt i frysaren og då har eg grønsaksbuljong liggande i krydderskuffa. Denne frå Helios er min favoritt, og har vore i bruk i mange år her i heimen. Den finn du både på helsekost og større matvarerbutikkar. Og den er dryg i bruk, vel verdt kvar ei krone.

kikertsuppeSidan vi hadde ei boks til med kikerter ståande serverte vi like gjerne suppa med rista kikerter på toppen. Dei lagar seg sjølv i omnen, og er perfekte å toppe ei suppe med. Når suppa er så mild på smak er det nydeleg med litt spicy krunsj i.

kikertsuppe

 

Oppskrift på Kikertsuppe

4 porsjonar / Tid: 30 in

Kikertsuppe

  • 1 løk
  • 1 ss kokosolje
  • 4 gulrøtter
  • 4 stilkar stangselleri
  • 1 ss gurkemeie
  • 1 boks Helios kikerter
  • 1/2 ts salt
  • 1/4 ts pepar
  • 1 liter vatn
  • 1 ss Helios grønsaksbuljong
  • Hakka kruspersille

Rista kikerter

  • 1 boks Helios kikerter
  • 1 ss kokosolje
  • 1/2 ts spisskummen
  • 1/2 ts paprika
  • 1/2 ts oregano
  • 1/2 ts kvitløkspulver
  • 1 ts salt
  1. Set omnen på 225 grader over- og undervarme.

  2. Del løk i grove bitar og fres i olje til løken blir blank.

  3. Skrell og del gulrøtene i tjukke skiver. Del stangsellerien i grove bitar. Ha det i gryta saman med løken.

  4. Strø over gurkemeie og grønsaksbuljong. Bland godt inn.

  5. Skyl kikertene i eit dørslag og ha dei i gryta.

  6. Hell over vatn og kok opp. La småkoke til grønsakene er møre. Medan suppa kokar gjer du klar dei rista kikertene.

  7. Skyl kikertene i eit dørslag og rist godt av dei. Ha dei i ein bolle saman med oljen, krydderet og saltet. Bland godt. Fordel utover eit bakepapirkledd steikebrett og steik midt i omnen i 25-30 minutt. Kikertene er ferdige når dei poppar.

  8. Kjør suppa glatt med ein stavmiksar eller i ein blender.

  9. Servér suppe med persille og rista kikerter på toppen.

[print-me target=".oppskrift"]

stjerne Dette blogginnlegget er reklame for Helios

Skrive av Anita

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Likar du det du ser på bloggen her? Bestill mi første kokebok her!