![vaniljeis og espresso](https://kvardagsmat.no/wp-content/uploads/2017/08/20170802-DSC_9049-1000x620.jpg)
Affogato
Affogato må vere ein av dei kjappaste og enklaste dessertane du kan servere. Ein dessert for vaksne samtidig som det er lett å lage ein barneversjon. Likar du kaffi? Likar du is? Ja då er dette desserten for deg! Brukar du ein knallgod vaniljeis og nydeleg kaffi får du ein nydeleg dessert.
![affogato](https://kvardagsmat.no/wp-content/uploads/2017/08/20170802-DSC_9042-768x1024.jpg)
Affogato
Det er ikkje vanskelegare enn å helle ein espresso over ei kule vaniljeis. Det skal altså ikkje meir til. Riv du litt mørk sjokolade over i tillegg blir det endå betre.
Når du skal velje is i isdisken så vel den som har ekte vanilje, ikkje vanilin, for å få best smak. Heller ei kule med knallgod is enn tre med midt-på-tredet is spør du meg.
![affogato](https://kvardagsmat.no/wp-content/uploads/2017/08/20170802-DSC_9046-768x1024.jpg)
Vil du lage heimelaga is finn du oppskrifta her.
Oppskrift på Affogato
- 2 kule vaniljeis
- 1 dl espresso
- Riven mørk sjokolade
Ha to kuler is i eit glas eller ei skål.
Strø sjokolade over og hell tilslutt espresso på toppen.
Nyt!
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.