![gulrotkake](https://kvardagsmat.no/wp-content/uploads/2015/07/20150721-20150721-dsc_0099-e1502134482409-1000x620.jpg)
Gulrotkake utan mjøl
![gulrotkake glutenfri](https://kvardagsmat.no/wp-content/uploads/2015/07/20150721-20150721-dsc_00991-1024x680.jpg)
Gulrotkake er saftig og god kake, som slett ikkje treng innehalde mjøl for å smake godt. Dette er ein versjon med mandlar i staden for mjøl, slik at kaka blir naturleg glutenfri. Med sjokoladebitar inni og ein nydeleg ostekrem på toppen er denne kaka ein hit for både små og store!
![gulrotkake uten mel](https://kvardagsmat.no/wp-content/uploads/2015/07/20150721-20150721-dsc_0086-1024x680.jpg)
Til ei lita langpanne eller ei 22 cm rund form treng du:
- 225 g mandlar
- 0,5 dl demerara sukker eller brunt sukker
- 1,5 ts bakepulver
- 2 klyper salt
- 1 ts kanel
- 1/2 ts malt muskatnøtt
- 1 sitron (skalet)
- 4 egg
- 0,75 dl sukker
- 1 vaniljestang
- 2-3 (250 g) gulrot
- 50 g mørk sjokolade (75 %)
Glasur:
- 225 g kremost (philadelphia)
- 2 ss mjukt smør
- 1 vaniljestang
- 1/2 sitron (safta)
- 1 klype salt
- ca 250 g melis
- 5-6 jordbær til pynt
Slik gjer du:
- Set omnen på 180 grader over- og undervarme.
- Vask sitronen godt og riv av det gule skallet ved hjelp av eit zesterjarn/rivjarn. Skrap ut frøa frå vaniljestanga
- Mal mandlar i ei matmølle, bland i demerara sukker, bakepulver, salt, kanel, muskat, vaniljefrø og sitronskal.
- Riv gulrot fint på eit rivjarn. Hakk sjokolade i små bitar.
- Pisk eggedosis av egga og sukkeret. Pisk lenge, slik at du har super-luftig og stor eggedosis.
- Vend inn gulrot, sjokolade og mandelblandinga, i tre omgongar.
- Hell røra over i bakepapirkledd form og sett midt i omnen.
- Steik i 50-60 min, til kakepinnen er tørr når du stikk midt i kaka og sjekkar.
- Legg ei rist over kaka, snu alt opp ned, fjern bakepapiret og la kaka avkjøle på rista.
Glasur:
- Ha romtemperert kremost og smør i ein bolle.
- Ha i frøa frå vaniljestanga, sitronsaft, salt og melis.
- Visp saman med ein handvisp til du har ein glatt krema glasur.
- Stryk glasuren utover den avkjølte kaka og pynt med halve jordbær.
TIPS: Oppskrifta kan gjerne doblast og lagast i vanleg langpanne! Då doblar du alt unnateke krydder, salt og bakepulver:)
Eg har gjort nokre småjusteringar, og tilpassa kaka til mine favorittar, men originaloppskriftene fann eg her:
Glasuren: https://foodwednesday.wordpress.com/2010/11/13/flourless-carrot-cake/
Sjølve kaka: http://cooking.nytimes.com/recipes/1013341-flourless-carrot-cake
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.