![](https://kvardagsmat.no/wp-content/uploads/2014/07/6jul1-e1463145490454-1000x620.jpg)
Halvgrove rundstykke
![halvgrove rundstykke](https://kvardagsmat.no/wp-content/uploads/2014/07/6jul3.jpg?w=800)
Halvgrove rundstykke som er fine å ha i matpakken eller å servere ein kveld du vil dekke til kveldsmat. Utan frø og store korn kan du servere dette til alle skeptikarar/born med stort hell.
Halvgrove rundstykke
Til ca 12 rundstykke treng du:
- 4 dl lunka mjølk
- 1/2 pk tørrgjær
- 1/2 ts salt
- 1 ss smelta smør
- 4 dl grov sammalt kveite
- ca 6 dl kveitemjøl
![rundstykke](https://kvardagsmat.no/wp-content/uploads/2014/07/6jul1-1024x680.jpg)
Slik gjer du:
- Smelt smøret og varm mjølka til det er fingervarmt. Ha det i bakebollen.
- Tilset det tørre, hald tilbake litt av kveitemjølet, og elt i kjøkkenmaskin i ca ti min. Juster mjølmengda mot slutten om det trengst.
- Dekk med plast eller lokk og hev til dobbel storleik eller så lenge du har tid.
- Form ca 12 avlange rundstykker, dekk med plast.
- La etterheve i ca 30 min.
- Steik midt i omnen på 225 grader, over og undervarme, i 15-20 min.
- Avkjøl på rist.
![heimelaga kvardagsmat](https://kvardagsmat.no/wp-content/uploads/2014/07/6jul2-1024x680.jpg)
Tips: putt i frysaren, og set dei inn i kald omn på varmluft 170 grader i 13-15 min. Vips: nysteikte rundstykker!:)
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.