![jordbær kake](https://kvardagsmat.no/wp-content/uploads/2014/06/20140513-DSC_0062-14.jpg)
Pavlovarull
![jordbær kake](https://kvardagsmat.no/wp-content/uploads/2014/06/20140513-DSC_0062-14.jpg)
Likar du Pavlova likar du garantert Pavlovarull. Det er praktisk talt samme kaka, berre at den er rulla saman og servert som ei rullekake i staden.
Den tradisjonelle Pavlova-kaka må helst pyntast rett før servering for at den skal sjå finast ut, medan denne rullen blir betre og lettare å skjære om den får stå litt. Dermed er den perfekt å ha med i selskap eller andre plassar der ein gjerne har andre ting å bruke tid på enn å pynte kake.
![pavlova rull](https://kvardagsmat.no/wp-content/uploads/2014/06/20140513-DSC_0059-16.jpg)
Til 1 pavlovarull treng du:
- 5 eggekviter
- 200 g kokossukker *
- 1 klype salt
- 1 neve mandelflak
Fyll:
- 3 dl kremfløyte
- 1 vaniljestang
- 400 g jordbær delt i fire
- 100 g blåbær
* Kokossukker (også kalle palmesukker/kokosblomstsukker) kan du kjøpe på helsekost eller iherb eller bytte ut med vanleg kvitt sukker.
![pavlovarull](https://kvardagsmat.no/wp-content/uploads/2014/06/20140513-DSC_0055-17.jpg)
Slik gjer du:
- Set omnen på 175 grader.
- Visp litt av sukkeret med saltet og eggekvitene til du får mjuk marengs.
- Ha i resten av sukkeret gradvis, og visp vidare til du får tjukk og fyldig marengs.
- Stryk massen uttover eit bakepapirkledd steikebrett og strø mandelflak over.
- Steik midt i omnen i 20 minutt.
- Legg eit bakepapir og ei rist på toppen av kaka og snu den rundt slik at den får avkjøle opp ned (Nokre rår til å smøre dette bakepapiret for å få kaka til å sleppe betre).
- Avkjøl heilt, gjerne over natta.
- Del vaniljestanga på langs og skrap ut frøa med baksida på ei teskei.
- Visp vaniljefrø og krem til fyldig krem.
- Stryk kremen utover og legg bæra over.
- Rull saman så godt du klarer og pynt med resten av bæra.
- Oppbevar i kjøleskap, kaka blir lettare å skjære dersom den får stå litt.
![budapestrull](https://kvardagsmat.no/wp-content/uploads/2014/06/20140513-DSC_0057-17.jpg)
Du kan sjølvsagt pynte med dei bæra du vil og gjerne bruke frosne bær. Då let du berre mandlane stå for pynten på utsida, dei som ligg inne i kaka er det jo ikkje nokon som skal sjå på likevel;)
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.