Heimelaga is med Oreokjeks

Enkle men gode rettar er ein vinnar her i heimen (som du kanskje har fått med deg). Difor måtte denne isen lagast i ein ny variant, og det kjem nok fleire..! Eg har bytta ut Philadelphiaost med den norske versjonen Snøfrisk, og det blei veldig bra. Om Oreokjeks er favoritt i heimen blir du ein helt med denne på dessertbordet!

Heimelaga is med Oreokjeks

• 3 dl kremfløyte
• 200 g sukker
• 3 egg
• 200 g (1,5-2) pk Snøfrisk
• 1 pk Oreokjeks

Slik gjer du:

1. Hakk oreokjeksa i små bitar.
2. Skill egga.
3. Pisk eggekviter og sukker til det blir blankt og stivt (5-10 min).
4. Pisk kremen.
5. Bland eggeplommer og snøfrisk
6. Bland alt.
7. Ha over i ei skål som tåler frysar, dekk med plast eller lokk.
8. Set i frysaren i minst 3-4 timar, gjerne over natta.
9. Klar til servering!