Rømmegraut

Rømmegraut er herleg tradisjonsmat som slett ikkje er vanskeleg å lage frå botnen. Ikkje treng du mange ingrediensar heller! Ein fin rett å servere både til kvardags og til fest.

Du treng:

• 6 dl (2 boksar) seterrømme (eller økologisk rømme frå Røros)
• 2,5 dl kveitemjøl
• 6-8 dl h-mjølk
• ½ ts salt

Tilbehør:

• kanel
• sukker
• rosiner
• flatbrød
• spekemat

Slik gjer du:

1. Kok opp rømma, rør heile tida medan det kokar opp.
2. La småkoke med lokket halvt på i 5-10 min.
3. Sikt i halvparten av mjølet og rør til smøret piplar fram.
4. Hell eller aus av smøret, slik at du har til å servere som tilbehør.
5. Sikt i resten av mjølet og rør det inn.
6. Spe med litt og litt mjølk, rør kraftig mellom kvar gong slik at du unngår klumpar.
7. Ha i salt og la småkoke i 5-10 min for å få vekk all mjølsmak.
8. Server med smør, sukker, kanel og rosiner.