Enkel kyllingform med spinat og soltørka tomat

Denne forma er mild og god og er enkel å servere til mange. Eg serverte den med fullkornpasta slik at det var eit alternativ å berre ete pasta for dei borna som ikkje ville smake denne gongen. Du kan sjølvsagt servere noko anna til:)

3-4 personar

• ca 700g kylling
• 1 pk babyspinat
• ½ rødløk i bitar/små båtar
• 3-4 ss soltørka tomat i bitar
• 1pk matfløte
• ca 150g fullkornpasta
• salt og peppar

(I tillegg kan du gjerne tilsette 2-3 fedd kvitløk og litt basilikum/timian om du har)

Slik gjer du:

1. Set omnen på 200 grader
2. Del kyllingen i bitar og steik den i litt solsikkeolje. Legg den i ei eldfast form.
3. Ha over babyspinat, rødløk, soltørka tomat og matfløte. Krydre med salt og peppar.
4. Steik i ca 15 min, til matfløta har tjukna litt og spinaten fallt godt saman.
5. I mellomtida kokar du opp vatn med salt, og kokar pastaen til den er ”al dente”, ca 7-10 min.

Sett pastaen og kyllingforma rett på bordet og la gjestane forsyne seg sjølve. Enkelt og godt:)