HURRA! NYTT OPPLAG AV KOKEBOKA!

Hurra! Hurra! Hurra! De er verdas finaste lesarar og bok-kjøparar! Det er takka vere dykk at førsteopplaget snart er tømt frå lageret, og at det nye er i trykken. Tusen takk – det er så stas!

HURRA! NYTT OPPLAG AV KOKEBOKA!

Eg veit at mange har ønska seg boka i julegåve, eller vil gi den til nokon dei er glade i. Perfekt omtenksam gave spør du meg. Sunn, heimelaga mat som alle kan klare. Heimelaga -men enkelt, har heile tida vore min måte å tenke på her på bloggen og det har eg vidareført i boka også.

I boka finn du 65 enkle oppskrifter på mat for kvardagen, med ingrediensar som finnast på alle butikkar. Du treng ikkje vere matentusiast for å gå i gong, og alt er detaljert forklart slik at du skal få det til på første forsøk. I kokeboka finn du eksklusive oppskrifter som ikkje er publisert på bloggen, saman med lesar-favorittane. Du får lese korleis vi planlegg middagskabalen her i heimen, og eg deler mine tips for bruk av restemat.

Les Hobbykokken sin omtale av boka her. Eg kan avsløre at han har gitt kokeboka terningkast FEM! Det er eg mektig stolt over.