Reklame
Sylta rødløk
Sylta rødløk er det perfekte tilbehøret til (nesten) alt. Super-enkelt å lage og med lang haldbarheit er det gull å ha eit glas ståande i kjøleskapet. Skal du ete ein blings med noko godt? Topp med sylta rødløk. Taco eller salat? Topp med sylta rødløk. Det passar til det meste, og så er det jo ein fest å sjå på med den flotte fargen!
Sylta rødløk
Den fine fargen kjem meir fram etter kvart som løken får stå i laken. Du kan gjerne ete sylta rødløk etter at du har lete det stå og avkjøle i eit kvarters tid. Men det smakar absolutt best om det får stå i kjøleskapet over natta. Og då har fargen verkeleg blitt fin. Knæsj rosa løk lyser opp ein kvar matrett.
Det er mogleg å krydre løken ved å legge krydder i laken, og la den stå med dette i. Stjerneanis ser jo lekkert ut til jul, nokre peparkorn smakar godt eller kanskje nellikspiker? Det er berre fantasien og smaksløken din som set grenser, her er det berre å teste.
Oppskrift på Sylta rødløk
- 1 rødløk
- 2 dl vatn
- 1 dl Helios eplecidereddik
- 1 dl sukker
- 1 klype salt
- 1 ts peparkorn (kan sløyfast)
Del rødløk i tynne skiver eller ringar. Legg dei i ei glas med lokk til som du kan oppbevare dei i. Strø over peparkorn og ei klype salt.
Kok opp vatn, eplecidereddik og sukker under omrøring, slik at sukkeret blir oppløyst.
Hell den varme blandinga over rødløken og la det stå på benken til det har blitt avkjølt. Skru på lokket og oppbevar i kjøleskap til du treng det. Nyt sylta rødløk på taco, skiver, gryter eller salat. Det perfekte tilbehøret!
Dette blogginnlegget er reklame for
Helios
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.
