![Potetsalat med vinaigrette](https://kvardagsmat.no/wp-content/uploads/2018/07/20180718-_DSC4668-1000x620.jpg)
Potetsalat med vinaigrette
Potetsalat med vinaigrette er frisk og godt tilbehør til sommarens grillmat. Kokar du potetene på førehand er det kjapt gjort å lage salaten, det er berre å hakke opp og blande saman. Vinaigretten lagar du enkelt ved å ha alle ingrediensane i eit glas med lokk og riste til alt er blanda. Fin oppgåve for små og store born som vil hjelpe til på kjøkkenet.
![Potetsalat med vinaigrette](https://kvardagsmat.no/wp-content/uploads/2018/07/20180718-_DSC4674.jpg)
Potetsalat med vinaigrette
Har du restar frå middagen så er dette ein fin måte å bruke opp potetene på i staden for å kaste dei. Med kokte, kalde poteter i kjøleskapet kan du diske opp med deilig potetsalat til kvelds. Det er berre å justere mengda på dei andre ingrediensane slik at dei passar til mengda med restar du har.
![Potetsalat med vinaigrette](https://kvardagsmat.no/wp-content/uploads/2018/07/20180718-_DSC4677.jpg)
Eg har skrella potetene som eg brukte her, men har du poteter med tynt skal kan du gjerne behalde det på. Det smakar godt og gjer salaten endå finare å sjå på!
![Potetsalat med vinaigrette](https://kvardagsmat.no/wp-content/uploads/2018/07/20180718-_DSC4679.jpg)
Oppskrift på Potetsalat med vinaigrette
Potetsalat
- 1 kg poteter
- 5 ss soltørka tomat i olje
- 3-4 stangselleri
- 1/2 raudløk
- 4 vårløk
- 1 bunt kruspersille
Vinaigrette
- 1 ss sennep
- 1 ss honning
- 1 ss kvitvinseddik
- 1,5 dl god olivenolje
- 1 ts salt
- 1/2 ts pepar
Kok poteter og avkjøl dei heilt. Har du restar frå middag dagen før er det perfekt å bruke dei potetene. Del potetene i terningar.
Del raudløk og soltørka tomat i terningar.
Del selleri og vårløk i skiver. Finhakk persille.
Ha alle ingrediensane til dressingen i eit glas med lokk og rist til alt er godt blanda, eller visp saman med ein liten visp.
Bland alt med dressingen og ha over i ei serveringsskål.
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.