![Sommarsalat med jordbær og avokado](https://kvardagsmat.no/wp-content/uploads/2018/07/20180622-_DSC4455-1000x620.jpg)
Sommarsalat med jordbær og avokado
Sommarsalat med jordbær og avokado er super mat å servere når dagane er varme. Då melder lysta seg på lett mat! Jordbæra smakar himmelsk no, og er perfekte å servere saman med avokado og balsamico. Dei tre smakane kler kvarandre godt.
![Sommarsalat med jordbær og avokado](https://kvardagsmat.no/wp-content/uploads/2018/07/20180622-_DSC4459.jpg)
Sommarsalat med jordbær og avokado
Spirene som er brukt er alfaspirer som vi fann på butikken. Når eg finn det i grønsakshylla brukar eg alltid å plukke med meg ein pakke. Spirer er heilt gull å putte i salatar og smoothie for ekstra næring. Det er i utgangspunktet enkelt å spire sjølv i glaskarmen, men no i sommarvarmen blir det ofte gløymt her i heimen. Då er det kjekt å finne ferdige spirar i grønsaksdisken.
![](https://kvardagsmat.no/wp-content/uploads/2018/07/20180622-_DSC4461.jpg)
Håper du fekk lyst på ein sommarleg salat, anten for å nyte den heime eller ta den med i kjølebagen til stranda. Der smakar jo sommarmaten endå betre! Klikk her for å finne alle salatane på bloggen samla.
![Sommarsalat med jordbær og avokado](https://kvardagsmat.no/wp-content/uploads/2018/07/20180622-_DSC4465.jpg)
Oppskrift på Sommarsalat med jordbær og avokado
Sommarsalat
- 2-3 nevar salatblad
- 1 avokado
- 2 dl jordbær
- 1-2 dl spirer
- 3 ss graskarkjerner
Balsamicodressing
- 3 ss balsamico
- 2 dl god olivenolje
- 1 skvis sitron
- 1 klype salt
Ha alle ingrediensane til dressingen i eit glas med lokk og rist til alt er godt blanda.
Skyl og tørk salatblada, fordel dei på to fat.
Del avokado i skiver og jordbæra i to.
Fordel avokado, jordbær, spirer og graskarkjerner over salatblada.
Ringle dressingen over og nyt.
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.