Jordbærmoussekake
Jordbærmoussekake er enkel å røre saman, og treng ingen tid i omnen. Botnen på kaka er laga av havrekjeks og smelta smør. Etter inspirasjon frå klassisk ostekake. Jordbærmoussen er laga med ekte jordbær og krem. Mmmm! Skikkeleg smak av sommar!
Jordbærmoussekake
Har du jordbær liggande i frysaren er dei perfekte å leite fram for å lage jordbærkremen. Har du det ekstra travelt kan du faktisk bruke jordbærsyltetøy i staden for å koke opp bær og sukker. Du må berre passe på å få blanda inn gelatin einaste, slik at kaka held formen sin.
Treng du at kaka er glutenfri kan du bruke glutenfrie havrekjeks i staden, det funkar like bra. Vil du lage kake med bringebærkrem i staden? Klikk her for oppskrift.
Oppskrift på Jordbærmoussekake
Botn
- 300 g digestivekjeks
- 100 g smør
Jordbærmousse
- 400 g jordbær (gjerne frosne)
- 100 g sukker
- 1/2 ts vaniljepulver (1 ts vaniljesukker)
- 5 dl kremfløyte
- 5 plater gelatin
Pynt
- 1/2 korg jordbær
Smelt smør og knus kjeks. Trykk flatt i ei rund kakeform som står rett på kakefatet. Set i kjøleskap.
Legg gelatinplatene i bløyt i kaldt vatn.
Kok opp jordbær, sukker og vaniljesukker og mos med ein stavmiksar. Sil gjennom eit dørslag for å fjerne jordbærsteinane og eventuelle klumpar.
Knip ut vatnet frå gelatinplatene og rør dei inn i jordbærsafta. Set til side for litt avkjøling medan du gjer klar kremen.
Visp kremfløyte luftig.
Vend inn jordbærsafta i kremen til du har ei jamn blanding. Hell jordbærkremen over i kjeksbotnen, jamn ut og set i kjøleskap i 3-4 timar, gjerne over natta.
Losne kakeringen med ein kniv og pynt kaka med friske bær.
Skrive av Anita
Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.
