Rå snickers

Denne rå snickersen forsvann fort, og blei populær på snapchat og instagram før den i det heile tatt kom på bloggen! Klebig, salt og søt på ein gong var tydelegvis noko som fall i smak både hjå små og store og bonusen er at den er enkel å lage og ikkje treng tid i steikeomnen. Du treng ei matmølle (foodprosessor) eller ein solid blender for å få kjørt alt saman og ei form til å ha det i. Eg brukte ei brødform og det viste seg å funke fint, sidan ein då får passe porsjonar ved å dele det i skiver/strimlar.

Til 1 brødform (ca 10 x 30 cm) treng du:

• 300 g (ca 30 stk) dadlar
• 100 g peanøttsmør
• 1 ts vaniljesukker/ekstrakt eller frø frå 1 vaniljestang
• 100 g salte peanøtter
• 100 g mørk sjokolade, gjerne 75 %

Slik gjer du:

1. Kle ei brødform med bakepapir.
2. Del dadlane i to og fjern steinen. (Er dadlane harde må du leggje dei i bløyt i varmt vatn i 30 min først. Eg brukte ein type «juicy dadlar» som var mjuke og fine å jobbe med.)
3. Kjør dadlar, peanøttsmør og vanilje i ei matmølle i 2-4 minutt til det er ei jamn masse.
4. Grovhakk peanøttene og bland dei i. Spar litt til pynt.
5. Trykk massen uttover i brødforma, set i kjøleskap.
6. Knekk eller hakk sjokoladen i bitar og smelt den over vassbad.
7. Fordel den smelta sjokoladen over og strø over litt peanøtter til pynt.
8. Sett i kjøleskap i 2-3 timar før servering.
9. Bruk ein brødkniv og «sag» bitane for å unngå at sjokoladen knekk opp.
10. Enjoy!