Blåbærsmuldrepai med krem

Blåbæra er endeleg å finne i skogen, og det er berre å ta med seg ei bøtte og så mange born du finn og plukke til krampa tek deg. Fin-fin familieaktivitet, og så fint resultat når ein er ferdige! Lillebror gjorde som dei minste skal gjere, og plukka meir rett i munnen enn i blåbærbøtta og var så nøgd! Likevel blei det nok til å røre saman blåbærsyltetøy til kveldsmat og denne nydelege smuldrepaien til dessert.

Blåbærsmuldrepai med krem

Til 1 paiform (6-8 personar) :
Botn:

• 300-400 g blåbær (nok til å dekkje botnen av forma)

Smuldretopping:

• 100-150 g havregryn (glutenfritt om du vil)
• 50 g sukker
• 50 g smør
• 1 ts kanel

Tilhøyr:

• 3 dl kremfløyte
• 3-4 ss sukker

Slik gjer du:

1. Set omnen på 200 grader over- og undervarme.
2. Fordel bæra utover paiforma.
3. Ha smør i terningar, sukker, kanel og havregryn i ein bolle. Bruk fingrane og smuldre saman til du har ei nokolunde jamn smuldredeig.
4. Ha smuldredeigen over i paiformen.
5. Set i omnen i ca 20 min, til toppen er gyllen.
6. Serverast lun med vispa kremfløyte til.