Chia-sjokoladekuler med peanøttsmør

Chia-sjokoladekuler med peanøttsmør

Desse chia-sjokoladekulene er det Julianne som skal ha æra for. Sjekk ut bloggen hennar her og få med deg den spennande boka ho gir ut om lav-FODMAP mat no i januar! Eg fekk først auge på kulene på instagram (min favorittstad for inspirasjon!) og har notert dei i bakhovudet lenge. Men så laga eg desse himmelske havregrynskulene, og då tenkte eg at det var på sin plass å lage ein litt sunnare versjon i tillegg, for balansen si skuld;)

Knallgode kuler som du lett rører saman og kan nyte med litt betre samvit. Eg tilsette litt kokosolje i tillegg for å få ei lettare deig å jobbe med, og det gjer jo ingenting sidan det skal vere bra å få i seg.

Sjoko-chia kuler

Til 20 kuler treng du:

  • 1 dl peanøttsmør
  • 1/2 dl lønnesirup
  • 2-3 ts kakaopulver
  • litt vaniljepulver/frø frå ei vaniljestang el. vaniljesukker
  • 3 dl havregryn
  • 3 ss chiafrø
  • ei klype salt
  • 2 ss extra virgin kokosolje (kan sløyfast)

 

sjokoladekuler

Slik gjer du:

  1. Ha peanøttsmør, sirup, kakao, vaniljepulver og salt i ei lita kasserolle og smelt saman på lav varme.
  2. Bland havregryn og chiafrø i ein bolle.
  3. Hell kakaoblandinga over og bland godt.
  4. Rør inn 2 ss kokosolje.
  5. Sett kjølig i ca 15 min.
  6. Form kuler av blandinga og oppbevar i tett boks i kjøleskapet.
chiakuler

Skrive av Anita

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.