Glutenfri blåbærscones

Lange, gode helgefrukostar går fint å ha sjølv om ein vel å ikkje ete gluten. Her får du oppskrift på nydelege scones, som og er kjekke å ha klare i frysaren når du plutseleg treng dei. Desse smakar like godt anten du et Paleo/glutenfritt eller ikkje:)

Glutenfri blåbærscones

Til 6 stk treng du:

• 4 dl mandelmjøl (eg lagar mitt eige ved å kverne mandlar i foodprosessor)
• 3 ss kokosmjøl
• 100 g blåbær
• 0,5 dl honning
• 1 stort eller 2 små egg
• 0,5 dl mandelmjølk (eller anna mjølk)
• 3 ss kokosolje
• ½ ts natron
• ei klype salt

Slik gjer du:

1. Set omnen på 180 grader.
2. Bruk ei kjøkkenmaskin og elt saman alle ingrediensane, unnateke blåbæra, til du har ei fast deig.
3. Vend blåbæra forsiktig inn.
4. Form 6 scones og sett dei på eit bakepapirkledd steikebrett.
5. Steik i 15-20 min, til dei er gyldne.
6. Avkjøl på rist.

Dersom du vil fryse dei og ha til seinare bruk, set du dei i frysaren på bakepapir før dei er steikte. Etter at dei er frosne kan du legge dei i ein pose eller ei lufttett boks.

Oppskrift er noko moderert men er opprinneleg henta her i frå.