Kyllinglår i curry

Kylling og curry er knallgodt i lag og finfin middagsmat servert saman med ris og eventuelt nanbrød. I denne versjonen har eg nytta kyllinglår i den store prosessen med å ete heile dyret, ikkje berre filet-stykka.

Kyllinglår blir jo av mange rekna som den mest smakfulle delen av kyllingen, så det er berre å ta med seg lår i staden for kyllingbryst neste gong du er på butikken.

Men for ordens skuld: du kan bruke kyllingbryst i denne retten også!
Kyllinglår i curry til 2-3 personar:

• 2 kyllinglår
• 2 ss raud curry
• 200-250 g kokosmjølk
• 1 gulrot
• 1/2 squash
• 1/2 raud paprika
• 1/2 grøn paprika
• 1/2 gul paprika

Slik gjer du:

1. Set omnen på 200 grader over og undervarme.
2. Steik kyllinglåra på begge sider på middels-høg varme, slik at dei får ei fin steikeskorpe.
3. Legg til side.
4. Del squash, paprika og gulrot i passe bitar.
5. Fres curry nokre få minutt i panna til den «skil seg» og gir får seg litt olje.
6. Hell over kokosmjølka, bland godt og kok opp.
7. Legg i kyllinglåra og grønsakene og sett steikepanna midt i omnen (eller ha over i eldfast form om panna di ikkje toler steikeomn).
8. La stå i om lag 45 min. Sjekk at kyllingen er gjennomsteikt, tida kan variere alt etter kor store stykker du har.
9. Server med ris og nanbrød til.