Eltefrie speltrundstykke

eltefrie speltrundstykke

Spelt skal jo vere mykje mildare for magen enn kveitemjøl, og det er jo ikkje å forakte for nokon. Når du kan bruke spelt på nesten same måten som kveitemjøl er det enkelt å bytte ut mengdene, men lurt å hugse at spelt oppfører seg litt annleis enn kveitemjøl. Det har litt svakare gluten og toler mindre elting, noko som gjer at eltefritt og spelt er ein fin-fin kombo!

Eltefrie speltrundstykke

For å lage 10-12 speltrundstykke treng du:

  • 500 g spelt (finmalt)
  • 50 g linfrø
  • 50 g sesamfrø
  • 1 ts salt (eg brukte himalaya salt)
  • 1 ts tørrgjær
  • 5 dl kaldt/lunka vatn
eltefri spelt

Slik gjer du:

  1. Set bakebollen på vekta, null ut, og mål opp alt det tørre rett i bakebollen.
  2. Ha i vatnet og bland raskt saman.
  3. Set på lokk og la heve på benken over natta.
  4. Bruk ein slikkepott og brett deiga nokre gongar over kvarandre før du har den over på mjøla bakepapir.
  5. Bruk slikkepotten og form ei avlang pølse som du klappar litt flat og brettar i to på langs.
  6. Del opp til passe rundstykker, eit tips er å bløyte slikkepotten mellom kvar gong, slik at deiga ikkje heng fast.
  7. Legg eit klede over og la stå på benken medan omnen varmar seg opp.
  8. Set omnen på 230 grader med eit steikebrett inni.
  9. Dra bakepapiret over på det varme steikebrettet og steik i ca 15 min til rundstykka er gyldne under.
  10. Avkjøl på rist.
Eltefrie speltrundstykke

Dei tre heldige vinnarane blei Marit Sørfonn, Inga Marie Trøstaker og Marianne Kasbohn. Gratulerer!

Tusen takk for deltakinga til alle som la igjen ein kommentar, og takk for fine ord!

Dei ulike eigenskapane til mjøla, ulike hevemetodar og andre kjekke tips finn du i Torunn Nordbø si bok “Nybakt til alle måltider” frå Opplysningskontoret for brød og korn. Før jul var eg så heldig å vinne ein instagramkonkurranse hjå dei, og i staden for å få premie sendt til Malaysia fann vi ut at eg kunne få dele ut tre eksemplar av denne fine bakstboka til dykk lesarar!

nybakt til alle måltider

Alt du treng å gjere er å legge igjen ein kommentar under dette innlegget, så trekk eg ut tre heldige vinnarar som får boka tilsendt i posten frå @brodogkorn. Du kan kommentere kun ein gong, og fristen er søndag 15. februar. Lukke til!

Vinnaren vil bli annonsert på facebooksida til bloggen og under dette innlegget, og må då sende adressa si til meg via facebook/e-post/instagram.

Konkurransen er avslutta! Dei tre heldige vinnarane blei Marit Sørfonn, Inga Marie Trøstaker og Marianne Kasbohn. Gratulerer!

Skrive av Anita

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Her på bloggen finn du enkle oppskrifter på mat laga frå botnen heime på kjøkkenet vårt.