Kyllingsalat med quinoa

Kyllingsalat med quinoa

Kylling:

• 2 kyllingfiletar
• 1ss paprikapulver
• 1ss solsikkeolje

Quinoa:

• 1,5 dl quinoa
• 3 dl vatn
• ei klype salt
• 2 ss god olivenolje

Salat:

• 1 neve ruccola
• ½ agurk
• 6-8 cherry tomatar
• 2 ss marinert fetaost
• 2 vårløk
• ½ raud paprika

Skjær kyllingen i bitar og ha den i ein pose saman med solsikkeolje og paprikapulver.

Ha quinoaen i ei kasserolle og skyll den godt med rikeleg vatn slik at alt skummet forsvinn. Hell av skyljevatnet og ha i nye 3dl vatn og ei klype salt. Kok under lokk i ca 15 min, til frøa har opna seg.

Medan du ventar deler du grønnsakene i bitar og steiker kyllingbitane.

Ha olivenolja over quinoaen og rør rundt før du blandar alt saman.

Server med godt brød, enten lun eller kald:)

Lurer du på kva quinoa er? Les kva eg har skreve om det i dette innlegget.