Om meg

Foto: Fotograf MA

Velkommen til kvardagsmat.no!

Her vil du finne enkle oppskrifter på mat laga frå botnen heime på kjøkkenet vårt.

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Aller dårlegast likar eg å setje inn i oppvaskmaskina (som passar litt dårleg med den første hobbyen) og butikkar med dårleg utval av frukt- og grønt .

Eg er sjølvlært på kjøkkenet og det heile starta i 2008, då vi gjekk frå å handle ulike halvfabrikatposar til middag til eit ønskje om å lage mest mogleg mat frå botnen av. Med verken husmorskulen eller kokkelinja bak meg verka det uoverkomeleg og målet blei ein til to heimelaga middagar i veka. I tillegg begynte vi å bake brød, og blei heilt hekta på den eltefrie metoden.

Etterkvart har det utviklar seg til eit fråvær av posematen, og maten vi lagar no er frå botnen. Bloggen er eit verkty for å samle eigne oppskrifter, og målet er å forklare så enkelt at alle skal kunne klare å lage rettane, sjølv om ein ikkje er husvarm på kjøkkenet.

Eg har prøvd og feila mange gongar i løpet av desse åra, og mitt beste tips til deg er å berre hoppe i det. Matlaging blir så kjekt når ein kan litt triks og kan begynne å eksperimentere på eigenhand, og det er ingenting ein lærer betre av enn å gjere feil.

Om du blir inspirert og finn noko du har lyst til å lage er det kjempe stas, og du må gjerne dele resultatet på instagram (#kvardagsmatno) eller på snapchat. Har du kommentarar eller spørsmål er du velkommen til å leggje igjen ein kommentar også her på bloggen eller på facebooksida til bloggen.

Lukke til på kjøkkenet!

–Kan vi klare det, så kan alle klare det;)

Anita

Følg meg gjerne på:

Snapchat: kvardagsmat

Instagram

Facebook

Kontakt:

Mail: kvardagsmat@gmail.com

Oppdatert oktober 2015