MRF-svele

GÅ RETT TIL OPPSKRIFTA

MRF-svele er eit eige begrep når det gjeld sveler, og stammar frå ferjene her i Møre og Romsdal. Dei blei tidlegare drifta av MRF – Møre og Romsdal Fylkesbåtar og serverte sveler i kafeteriaen. MRF har forsvunne, men svelen er framleis på plass. På mest kvar ei einaste ferjestrekning kan du få kjøpe tjukke sveler med smør og sukker på, og nåde den som fjernar dette frå menyen!

Svele er noko av det sunnmøringar legg si stoltheit i, og skal det vere svele så skal det vere MRF-svele! Kanskje kan du driste deg til å tilsetje ei teskei vaniljesukker i røra, men noko meir kluss enn det går ikkje. Her skal alt vere som det har vore! Men det er ikkje noko gale i det, dette er knakande gode sveler. Det er berre å røre saman, leite fram takka eller steikepanna og byde inn på sveler til små og store.

MRF-svele

Tips:

• Sveler kan gjerne frysast, men då utan smør og sukker. Tin dei og varm dei litt før du smører og serverar.
• For å vite når du skal snu svelene og steike på andre sida kan du sjå etter bobler som dannar seg på overflata av røra og sprekk opp. Då er det som regel på tide å snu og steike på andre sida.