Rocky Road Fudge med peanøtter

Rocky Road Fudge med peanøtter, salte kjeks, marshmallows og mjølkesjokolade for å vere heilt presis. Mektig, søtt og perfekt julegodt. Rør saman over vassbad, hell over i form og set i frysaren. Hugs å dele raust med dei rundt deg så du ikkje et alt sjølv. Det kan lett skje!

Rocky Road Fudge med peanøtter

Rocky Road Fudge med peanøtter

I staden for å lage med mørk sjokolade som dei andre versjonane her på bloggen har ville vi teste mjølkesjokolade. Fugden blir ikkje like hard, men det gjer ingenting. Denne er uansett best oppbevar i kjøleskap eller frysar. Hugs at det må vere søt kondensert mjølk, ikkje Vikingmjølk. Dei fleste butikkar har begynt å føre desse boksene no, så det burde vere lett å finne. Viss ikkje kan du stikke innom ein Asiabutikk. Dei har det i allefall. Og ofte til ein billigare penge og.

Rocky Road Fudge med peanøtter

Lukke til og god jul!

Oppskrift på Rocky Road Fudge med peanøtter

1 form / 20 (?) porsjon / Tid: 15 min

  • 350 g mjølkesjokolade
  • 2 ss smør
  • 1 boks søt kondensert mjølk
  • 1/2 ts vaniljepulver el. 1 ts vaniljesukker
  • 50 g små marshmallows
  • 75 g salte kjeks
  • 100 g salte peanøtter
  1. Smelt sjokolade over vassbad i lag med smøret.

  2. Rør inn søt kondensert mjølk og vaniljepulver.

  3. Vend inn knuste kjeks, marshmallows og peanøtter.

  4. Hell over i bakepapir/foliekledd form på ca 20 x 20 cm.

  5. Set forma i frysaren i 2 timar eller i kjøleskap i 4 timar.

  6. Del opp i passe bitar og nyt.

Skrive av Anita

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Her på bloggen finn du enkle oppskrifter på mat laga frå botnen heime på kjøkkenet vårt.