Eltefritt rugbrød med chiafrø

eltefritt rugbrød med chiafrø

Eltefritt rugbrød med chiafrø er ein ny variant av den geniale eltefrie metoden å bake brød på. Med minimal arbeidsinnsats blir du løna med nydeleg brød med sprø og god skorpe.

I denne brødoppskrifta som eg har laga er det både deilig smak av rug og i tillegg alt det gode frå chiafrøa. Frøa er supre å ha i til born og vaksne som ikkje likar store frø, for desse finn du knapt igjen i brødskiva.

gorenje

Til 1 eltefritt rugbrød med chiafrø (22-24 cm gryte) treng du:

  • 175 g grov sammalt rug
  • 425 g kveitemjøl (hvetemel)
  • 6 dl lunka vatn
  • 2 ss chiafrø
  • 1 ts salt
  • 1 ts tørrgjær
  • 1 ss flytande honning
eltefritt rugbrød med chiafrø

Slik gjer du:

  1. Set bakebollen på vekta og mål opp alt det tørre. Hell i vatnet og rør raskt saman, set på lokk og la heve i 12-18 t, gjerne på kjøkkenbenken over natta.
  2. Etter den lange hevetida brettar du deiga nokre gongar over seg sjølv ved hjelp av ein slikkepott og set på lokket igjen.
  3. Set gryta du skal bruke med lokk inn i omnen og skru på 250 grader over- og undervarme.
  4. Etter omlag 60 min heller/skrapar du deiga over i gryta, har på lokket og set det inn i omnen. Strø gjerne litt mjøl i botnen av gryta og på toppen av brødet.
  5. Steik i 30 min på 250 grader.
  6. Ta av lokket og skru ned til 230 grader. Steik i 20 min til.
  7. Avkjøl brødet på rist.
  8. Etter at brødet er heilt avkjølt oppbevarar du det best innepakka i eit reint kjøkkenhåndkle.
best at bread best at bread

Skrive av Anita

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Kjøp gjerne kokeboka mi som kom ut i 2018.