Krokan-is

Krokanis

Vaniljeis:

  • 4 dl h-mjølk
  • 4 dl kremfløyte
  • 6 eggeplommar
  • 300 g sukker
  • 1 vaniljestang

Krokan:

  • 1,5 dl sukker
  • 1 ss smør
  • 1 dl mandlar

Splitt vaniljestanga og ha den i ei panne saman med mjølk og fløyte. Varm opp til det ryk, men ikkje kok. Avkjøl litt.

Pisk sukker og eggeplommar, hell den lunka mjølkeblandinga forsiktig i (gjennom ei sil slik at du får ut vaniljestanga) og bland godt. Avkjøl heilt.

Krokan: smelt smør og sukker på middels varme til det blir karamell. Ha i mandlane og bland dei godt i. Hell over på bakepapir, avkjøl, hakk opp.

Bland i krokanen før du har isen i ismaskin. Har du ikkje ismaskin set du den i frysaren og rører kraftig kvar halvtime for å unngå iskrystallar.

Heimelaga krokanis klar for nyting:)

Skrive av Anita

Eg som står bak denne matbloggen heiter Anita, og likar best å stå på kjøkkenet eller på ein fjelltopp her på Sunnmøre. Her på bloggen finn du enkle oppskrifter på mat laga frå botnen heime på kjøkkenet vårt.