Fiskegrateng med fullkornmakaroni

Til 4-5 personar treng du:

• 700 g torsk
• 250 g fullkornmakaroni
• 1/2 purre
• 3 egg
• 2 ss smør
• 2 ss kveitemjøl
• 5 dl mjølk
• 1/2 ts muskat
• salt og peppar
• 4 knekkebrød

Oppskrift:

1. Lag kvit saus: smelt smøret og rør inn kveitemjølet. Spe med mjølka litt og litt, rør kraftig og la det koke opp mellom kvar gong for å unngå klumpar. Ha i kryddera og la småkoke på svak varme i ti min, før du set til side for avkjøling.
2. Steik fisken til den flakar seg.
3. Kok makaroni.
4. Skil egga og rør plommene inn i sausen.
5. Stivpisk eggekvitane.
6. Bland saus, fisk og makaroni. Vend forsiktig inn eggekvitane. Ha over i ei form. Knus knekkebrøda og strø over.
7. Steik i 30-40 min på 200 grader over- og undervarme.

Tips til enkel middag:

Lag alt klart kvelden før, sett den i kjøleskapet og ha den i omnen når du kjem heim. Kok poteter og nyt ein halvtime til å gjere heilt andre ting enn å lage middag:)